index introductio imagines || partitura exemplar translatio

bibliographia e-mail

CTH 390

Exemplar --

Citatio: F. Fuscagni (ed.), hethiter.net/: CTH 390 (Expl. --, 20.03.2017)

§ 1

1 -- UMMA fAyatarša GEME fNāwila

2 -- mān DUMU-laš alpanza

3 -- našma=šši=kan garāteš adanteš

4 -- nu=šši inanaš DUTU-un kiššan šipantaḫḫi

§ 2

5 -- ḫantezzi=kan UD-ti UDUiyantan inanaš DUTU-i šipantaḫḫi

6 -- nu kiššan tēmi

§ 3

7 -- inanaš DUTU-i kāša=tta SÍSKUR piḫḫun

8 -- nu DUMU-an kuin ḫukkiškimi

9 -- n=an ŠUM-ŠU tēmi

10 -- inanaš DUTU-i kīdani=wa DUMU-li inan EGIR-an arḫa karaš

§ 4

11 -- nu=kan UDUiyantan arkanzi

12 -- n=ašta UZUḫuišu šuppa danzi

13 -- KUŠ UDU UZUGABA ZAG PANI DINGIR-LIM tianzi

§ 5

14 -- EGIR-anda=ma UZUNÍG.GIG ḫappinit zanuwanzi

15 -- nu 1 NINDA.KUR4.RA inanaš DUTU-i paršiya

16 -- šerr(a)=ššan UZUNÍG.GIG kuerzi

17 -- n=at ḫuišaš šuppaš šer dāi

18 -- nu IŠTU DUGKUKUB PANI DINGIR-LIM šipanti

19 -- nu kiššan tēmi

§ 6

20 -- inanaš DUTU-i zik azzikki akkuški

21 -- nu edani DUMU-li inan EGIR-an arḫa karaš

§ 7

22 -- nu šuppa PANI DINGIR-LIM šešzi

23 -- lukkadda=ma=at šarā daḫḫi

24 -- ne arḫa adanzi

§ 8

25 -- mān INA UD 2KAM lukkatta

26 -- nu ŠA GIŠKIRI6 SARḪI.A ḫūman BABBAR kappāni GE6 kappāni ānkišaš NUMUN-an tīyati AN.TAḪ.ŠUMŠAR ḫazzuwaniš ḫašuššarān lakkarwan

§ 9

27 -- ippiyanzašš=a šāna(-)kukkullaš mūlili tarpatarpaš šeḫunza iššarāšilas ariešan tūntūli šādayan šuppiš ḫinḫindu lāparša qakku

§ 10

28 -- nu ḫarnammar BAPPIR IŠTU KAŠ arḫa tarnanzi

29 -- SARḪI.A=ma hūman kuaškuašzi

30 -- šerr(a)=ššan ḫarnamma BAPPIR IŠTU KAŠ ḫarnān lāḫūwāi

31 -- n=at anda immiyazzi

32 -- waḫiešnaš=šan wātar šer tēpu zappanuzzi

§ 11

33 -- n=ašta DUMU-an aiš=šit parā arraḫḫi

34 -- EGIR-anda=ma=šši=kan išši=šši laḫuḫḫi

35 -- n=at katta pašzi

36 -- INA SAG.DU-ŠU=ya=šši=ššan lāḫui

37 -- tūiggaš=šaš=(š)ši=ššan ḫūmantaš lāḫui

§ 12

38 -- arri=šši=ya=šši=kan anda lāḫui

39 -- nu=za DUMU-aš ārri

40 -- IŠTU ŠE.NAGA=ma=za pešzi

41 -- arri=ma=za kuezza wetenaz

42 -- nu menaḫḫanda waḫešnaš wātar

§ 13

43 -- mān=kan DUMU-an=ma wetenazza šarā karapzi

44 -- nu=šši=kan MUŠEN ḪURRI šēr arḫa waḫnuzzi

45 -- n=an DUTU-i EGIR-an tarnāi

§ 14

46 -- EGIR-anta=ma šāna(-)kukkullan lakkarwan Ì.UDU anda tarnāi

47 -- n=at anda kinaizzi

§ 15

48 -- nu kuiš DUMU-aš alpanza

49 -- našma=šši=kan garāteš adanteš

50 -- n=an tuikkuš išgaḫḫi

51 -- ašašḫi=ma=a(n)=šan gullanti GIŠŠÚ.A

52 -- 1 DUGNAMMANTU waḫešnaš witenit šūš [ … ] … -iškizzi

§ 16

53 -- [ … ] … -an

54 -- [ … -m]imi(?)

§ 17

55 -- [ … ]

56 -- [ … ]

§ 18

57 -- [ … -a]mnit

§ 19

58 -- [ … ] … [ … ]

59 -- [ … -]nanzi

60 -- nu MUNUŠU[.GI … -]izzi

§ 20

61 -- [ … ] kuin akuwanna [wekz]i(?)

62 -- 11(?) DUGDÍLIM.GAL SIG

63 -- nu=š[ši(?) … ] … šer arḫa wa[ḫnu]zi

64 -- nu=uš arḫa duwarnai

§ 21

65 -- [ … ] … izzi=ma=at šesannaz(?) … [ … ] … -ri

§ 22

66 -- [AWA]T fWattitti MUNUS URUKunaššarwa

67 -- mān=kan UN-ši [n]ašma DUMU-li karāduš kuiški arḫa garāp[í]

68 -- [nu k]iššan [u]ttar=šit

69 -- ŠA 1-EN šeppit …

70 -- n=at malli šalakzi

71 -- nu 2-ŠU 7 šalakar DUMU-li iēzzi zanuzzi

§ 23

72 -- nu=kan kuidani karātiš adanteš

73 -- nu=za URUDUišpātar dāi

74 -- nu=uš ḫaššaz EGIR-pa išpannit 1-EN-aš 1-EN-aš daškizzi

75 -- nu=uš azzikizzi

76 -- Ù ŠA UDU karāduš IŠTU ḫappinit zanuškanzi

77 -- nu apušš=a azzikizi

§ 24

78 -- nu 2-ŠU UD 7KAM paizzi

79 -- karādušš=a kuwapi azzikizzi

80 -- nu kiššan taršikizzi

81 -- karāduš=wa=za karātiš tarruḫḫanzi

82 -- mān LÚMÁŠDA=ma

83 -- nu karāduš kuwapi wemiyazzi

84 -- nu 2-ŠU 3-ŠU

85 -- nu=uš ezazzi

§ 25

86 -- nu 2-ŠU UD 7KAM šarā tittanuzzi

87 -- nu=uš=za=kan likzi

88 -- nu namma karāduš UL azzikizzi

§ 26

89 -- kī=ma ḫūgandaš dāi

90 -- SÍG GE6 SÍG SIG7.SIG7 SÍG SA5 SÍG ZA.GIN dāi

91 -- n=at EGIR-pa parza malakzi

92 -- namma=at parā ḫandān anda tarnai

93 -- n=ašta anda ŠA GI ḫapūšeššar Ù ŠA GIŠTÚG panzakittin warapzi

94 -- n=an anda nāi

95 -- n=at=šan ANA NINDA.KUR4.RA dāi

96 -- n=at išpantaz šara šuḫḫa pēdai

§ 27

97 -- n=at IŠTU NINDA.KUR4.RA EGIR-an GIŠPISAN MUL-aš kattan dāi

98 -- nu kiššan tezzi

99 -- šēr katta=at nepišaza 1 LĪM MULḪI.A ḫukkiškanzi

100 -- n=at DINGIRMEŠ-aš ḫukkiškiddu

101 -- kattera=ma=at dankuwaz taknāz taknaš DUTU-uš ḫukkiškiddu

102 -- n=at MULḪI.A-aš kattan šešzi

§ 28

103 -- lukkatta=ma=kan DUTU-uš upzi

104 -- n=at šarā dāi

105 -- NINDA ḫaršaima=at=šan kuedani kitta

106 -- n=an ANA DUTU paršiya

107 -- nu tezzi

108 -- išpanti=war=at 1 LIM MULḪI.A DINGIRMEŠ-ašš=a ḫukkiškir

109 -- taknašš=a=war=at DUTU-uš ḫukkiškit

§ 29

110 -- kinuna=war=at zik DUTU-uš ḫukkiški

111 -- n=at šuḫḫaz katta udai

112 -- n=at=kan DUMU-li kuttani=šši nāi

113 -- nu tezzi

114 -- ḫuišaš=wa panzakittiš GIM-an weḫatta

115 -- DUMU-li=ya idālaueš karāteš kattan arḫa apenieššan waḫandu

§ 30

116 -- ŠA GI=ma=wa ḫapušaššanza maḫḫan ḫapušašša EGIR-anda UL wemiazzi

117 -- DUMU-ann=a idalaueš karāteš QĀTAMMA lē wemiyanzi

118 -- n=at=ši=kan neanza

§ 31

119 -- mān=aš SIG5-adda=ma

120 -- n=at=ši=kan arḫa dāi

121 -- anda=ma šakuwā- … -i

122 -- nu=ššan 2 EMEḪI.A

123 -- nu=kan anda UZUḫuišu išgāri

124 -- n=at DUMU-li kaliliulliaš ka[t]t[an] dāi

125 -- nu tezzi

126 -- kuiš=wa kuieš=wa ḫateššanteš k[arāt]iš

127 -- nu kī šarakkuiškandu

128 -- DUMU-li=ma=at [m]an[i]nkuwan lē tianzi

129 -- n=at=ši kattan arḫa arantaru

§ 32

130 -- lukkatta=ma=kan kuitman DUTU -uš nawi uizzi

131 -- nu=kan UZU ḫuittiyari

132 -- n=at ḫuššiliya ḫarizzi

133 -- ḫuššiliya=war[(a)=šš]an GIM-an SAḪARḪI.A parā paddanzi

134 -- n=at parā … [ … ša]lliškizzi

135 -- DUMU-ašš=a QĀTAMMA šalliškidd[u]

136 -- nu tittiškiz[z]i

137 -- kuitta(?) n=aš=ši=(a)pa an-[ … ]-du

138 -- nu UD-at UD-at QĀTAMMA … [ … ]

§ 33

139 -- mān=kan EM[EḪI.A kueda]ni uwanzi29

140 -- n=a[n]=kan EME=ŠU BAPPIR-it ša[rtāmi]

141 -- namma=an IŠTU Ì[.NU]N išgāmi

142 -- … [ … ]

143 -- n=an kiššan namma ḫū[kkiškimi]

144 -- [ … =]at=kan ANA LÚ.U19.LU uēr

145 -- nu=za … [ … ]

146 -- [ … ]-zi UL

147 -- nu ekuzzi UL

148 -- na[mma … ]

149 -- nu iyawani [ … ]

150 -- [nu ANA DKamru]šepa ḫalugaš pai[t]

151 -- [ … ]

§ 34

152 -- UMMA DKamrušipa

153 -- [ … ]

154 -- nu ANA DNIN.TU ḫa[lugaš pait]

155 -- [ … -e]n=ma

156 -- [ītt]en=wa=šmaš MUNUSḫašawan pēḫuteten

157 -- [nu=war=an=kan38 E]ME-ŠU šaḫdu

158 -- nu MUNUSḫāšawaš pa[it n=an=kan39] EME-ŠU šaḫta

§ 35

159 -- nu ŠA DUTU DUMU.NITAMEŠ

160 -- nu=za MUNUSḫāšauwaš BAPPIR dāu

161 -- n=an=kan EME-ŠU šartāiddu

162 -- ÚR-uš=ma=an IŠTU Ì.NUN iškiddu

163 -- namma=an IŠTU LÀL-it EME-ŠU arḫa ānašdu

164 -- nu DUMU.LÚ.U19.LU SIG5-ru

165 -- nu=šši=ššan INA KA×U-ŠU anda 2-ŠU allapa[ḫzi]

166 -- ŠIPAT EMEḪI.A

§ 36

167 -- šalliš ÍD-aš ḫunḫumazzi=šit ḫami[kta]

168 -- n=ašta anda KU6-un INA ḫantiyara witi ḫamikta

169 -- ḪUR.SAGḪI.A pargamuš ḫamikta

170 -- ḫāriuš ḫ[a]llūwauš ḫamikta

171 -- DIM-aš wel[lu] ḫamikta

172 -- n=ašta anda šumanza ḫam[i]kta

173 -- partianza ḫārašM[UŠEN] ḫami[kta]

174 -- š[a]mankurwaduš=kan MUŠḪI.A-uš anda ḫūla[- … ] ḫamikta

§ 37

175 -- DARÀ.MAŠ-an katta GIŠeya ḫamikta

176 -- paršanan taššai pidi ḫamikta

177 -- ulipanan pargauei ḫamikta

178 -- UR.MAḪ zamni=šan ḫamikta

179 -- šāšan ḫūratti=šan ḫamikta

180 -- šašaš GA ḫamikta

181 -- ŠA DLAMMA GIŠŠÚ.A ḫamikta

§ 38

182 -- n=at DIŠTAR ANA DMāliya mēmatti

183 -- DMaliyaš=at ANA DPirwa memišta

184 -- DPirwaš=at ANA DKamrušipa memišta

185 -- DKamrušipaš=za ANŠE.KUR.RAḪI.A=ŠU tūrit

186 -- nu INA ÍD.GAL penniš

187 -- nu ḫukkiškizzi DKamrušipaš GAL-in ÍD-an

188 -- n=ašta anda ḫantiyara KU6-an45 witi ḫukkiškizzi

189 -- GAL-iš ÍD ḫunḫumaz=šit EGIR-pa lāttat

190 -- anda KU6-uš ḫantiyaraš lattat

§ 39

191 -- pargāuš ḪUR.SAGḪI.A lāttat

192 -- ḫallūeš ḫārīeš lāttat

193 -- DIM-aš wellu lāntat

194 -- n=ašta anda šuppi šumanza lāttat

195 -- partianza [ḫārašM]UŠEN lāddat

196 -- šamankurwanteš MUŠḪI.A [ … -]ni lāttat

§ 40

197 -- [DARÀ.MAŠ-]aš katta GIŠeya lāttat

198 -- PÍRIG.TUR-ašš=a [tašša]ui pidi lāddat

199 -- ulipanan pargaue lāddat

200 -- UR.MAḪ zamnaš lāttat

201 -- [šāš]aš ḫūratti=šan lāttat

202 -- [šā]šaš GA lāttat

203 -- ŠA DLAMMA GIŠŠÚ.A lāttat

§ 41

204 -- [ku]eša DUMU-aš ḫuelpiš

205 -- n=aš šuppiš tētanuš [ḫ]amiktat

206 -- kattan=ma=aš ḫupallaš ḫamiktat

207 -- [n=aš UZ]Utītitan ḫamiktat

208 -- n=aš UZUGEŠTUḪI.A=ŠU ḫamikta

209 -- n=aš UZUKA×U-iš ḫamik[t]a

210 -- n=aš UZUEME-ŠU ḫamikta

211 -- n=aš UZUḫu[ḫḫurti]n ḫa[mi]kta

212 -- n=aš UZUpappaššalan ḫamikta

213 -- katta=ma=aš UZUGABA ḫamikta

214 -- n=aš UZUḫaḫ(ḫa)ri ḫamikta

215 -- n=aš UZUNÍG.GÍG ḫamikta

216 -- n=aš genzu ḫamikta

217 -- n=aš UZUpantuḫa(n)=šan ḫamiktat

218 -- n=aš UZUarra(n)=šan ḫamiktat

219 -- na-aš UZUginu=ššit ḫamiktat

220 -- šer=ma=aš ŠUḪI.A=ŠU ḫamikta

§ 42

221 -- nu ANA DNIN.TU ḫalugaš pait

222 -- maḫḫan=wa iyaueni

223 -- mān=wa iyaueni

224 -- UMMA DNIN.TU

225 -- īt=wa MUNUSḫāšawan pēḫute

226 -- nu=wa=šši=ššan šer UZUḫupallaš ḫuikdu

227 -- n=an šuppauš tētanuš ḫuikdu

228 -- nu UZUGEŠTUḪI.A=ŠU ḫuikdu

229 -- n=an UZUtītitan ḫuikdu

230 -- n=an KA×U=ŠU ḫuikdu

231 -- n=an EME=ŠU ḫuikdu

§ 43

232 -- n=an UZUḫuḫḫurtin ḫuikdu

233 -- n=an UZUpappaššalin ḫuikdu

234 -- n=an UZUGABA KI.MIN

235 -- n=an UZUḫaḫḫari KI.MIN

236 -- n=an UZUNÍG.GÍG KI.MIN

237 -- n=an UZUŠÀ KI.MIN

238 -- n=an UZUgenzu KI.MIN

239 -- n=an UZUpanduḫan KI.MIN

240 -- n=an UZUarra(n)=šan KI.MIN

241 -- n=an UZUgēnu KI.MIN

242 -- šer=ma=an ŠUḪI.A-ŠU KI.MIN

§ 44

243 -- šer=an UZUḫupallaš lāu57

244 -- n=an šuppauš tetanuš lāu

245 -- n=an UZUGEŠTUḪI.A-ŠU lāu

246 -- UZUtititan lāu

247 -- n=an UZUKA×U-ŠU lāu

248 -- n=an EME-ŠÚ lāu

249 -- UZUpappaššalan KI.MIN

§ 45

250 -- n=an UZUGABA lāu

251 -- n=an UZUḫaḫḫari lāu

252 -- n=an UZUgenzu KI.MIN

253 -- n=an UZUulan KI.MIN

254 -- n=an UZUarran KI[.MIN]

255 -- n=an UZUgēnu lāu62

256 -- šer=ma=an ŠUḪI.A=ŠU KI.MIN

§ 46

257 -- kī=ma uttar nakkī

258 -- [ … ] paiddu=wa=at āššu ŠIPAT ḫami[nkuwaš memau]

259 -- [ŠUM=Š]U NU.GÁL

§ 47

260 -- AWĀT fŠ[ušumanniga MUNUSŠU.G]I

261 -- mān DUMU-li DḪašamilin ITU-miaš š[ipanti]

262 -- [nu GIŠBANŠ]UR AD.KID luttiya per[an dāi]

263 -- [šer=š]an 1 NINDA.ÉRINMEŠ Ù 1 NINDA.KUR4.RA KU7 TUR d[āi]

264 -- [ANA NINDA.K]UR4.RA=ma=ššan DḪašamilien [titt]anuzzi

265 -- nu=šši peran katta 1? DUGKUKUB KAŠ GIŠpūriaz dāi

§ 48

266 -- MUNUSÙMMEDA IŠTU DUGKUKUBI šīeššar PANI DINGIR-LIM 3-ŠU šipanti

267 -- NINDA.KUR4.RA=ma UL paršiya

§ 49'

268 -- nu= … [ … ] kišt[aru(?)]

269 -- [ … ] … [ … ] LÚ.MEŠAMA.A.TU nū ḫal[ziššanzi]67

270 -- [ … ] NINDA.Ì.E.DÉ.A memal GU7-zi

271 -- nu?=[ … ]

§50' (Kol.)

272 -- DUB.1KAM QATI

273 -- AWAT fŠušumanniga MUNUSḫāšauwaš

274 -- mān DUMU-li DḪašamilin ITU-miaš šipanti

§51'

275 -- AWAT fAyatarša GEME fNāwila

276 -- mān DUMU-aš alpanza

277 -- našma=šši=kan garāteš adanteš

278 -- nu=šši inanaš DUTU-un kiššan šipanti

§52'

279 -- AWAT fWattiti MUNUS URUKunaššarwa

280 -- mān=kan UN-ši našma DUMU-li garātiuš kuiški arḫa karērāmi

281 -- nu kiššan uttar=šit

§53'

282 -- mān=kan EMEḪI.A kuedani uwanzi

283 -- n=an MUNUSŠU.GI kiššan aniyazzi

284 -- ŠU mDGE6.LÚ PANI mAnuwanza SAG IŠṬUR